Tuman nga nga kalipay ang nabatyagan sang actress nga si Janice De Belen matapos nakaupod sa stage ang iya gina-idolo nga si Korean superstar Song Joong Ki sa iya sini nga ginpatigayon nga fan meet sa isa ka mall sa Pasay.
Ginpakigbahin sang actress ang mga laragway sa iya social media kun sa diin makita nga gintagaan siya sang bulak kag gin-kup-an ni Joong Ki sa atubang sang mga linibo ka mga supporters.
Ginpabutyag man ni Janice nga isa si Joong Ki sa iya gina-idolo nga Korean actor, sa diin gin-ako sini nga dako nga bahin sang iya emotional recovery ang K-drama nga ‘Descendants of the Sun’ matapos nga nagtaliwan ang iya iloy.
Matandaan nga si Song Joong Ki ang nagsikat bilang Captain Yoo Shi Ji sa Descendants of the Sun kag nagbida man sa mga
K-drama nga Vincenzo kag Reborn Rich, kag amo man sa pelikula nga Space Sweepers.
Nahibaluan nga ang fan meet nga ginpatigayon sa Manila ang labing una nga pagbisita ni Joong ki sa pungsod.
