5.1 magnitude nga linog, nagtay-og sa Quezon kag iban nga parte sang Metro Manila

Gintay-og sang magnitude 5.1 nga linog ang Quezon province, suno sa Philippine Institute of Volcanology and Seismology (Phivolcs).

Base sa Phivolcs, ang linog nagluntad sa 24 kilometro north-west sang General Nakar, sa kadalumon nga 6 ka kilometro.

Bangud sa pagtay-og , ginpagwa ang mga tawo sa pila ka building sa Metro Manila kalakip na ang Senado, National Bureau of Investigation (NBI), kag Department of Migrant Workers.

Nagpaandam naman ang Phivolcs sa pagluntad sang aftershocks.