Proud nga ginpakigbahin sang Ilongga beauty queen nga si Alexie Brooks nga may girlfriend ini sa halos isa na ka tuig.
Ini na ang una nga tion nga ginpakigbahin ni Alexie sa publiko ang iya same sex relationship.
Sa isa ka interview sang veteran host nga si Boy Abunda, sang gina-istoryahan ang love life, ginpamangkot si Alexie kun ano ka-importante ang lalaki sa iya nga “concept of happiness”, apang gin-rephrase sang beauty queen ang pamangkot kag ginklaro nga babaye ang iya karelasyon.
“I’ll change the ‘man.’ I’ll rephrase. The woman,” sabat sang tumandok sang Leon, Iloilo.
Pahayag sini, sang napatay ang iya Lola Basing, ang iya girlfriend amo ang nagbulig sa iya nga makabangon. Apisar wala na sini ginpangalanan, nagapasalamat si Alexie nga yara ang iya partner nga amo ang nagapalipay sa iya kag nagasuporta sa iya nga mga handum.
“I realized it when my grandma passed away and she was there. And that was the first time that I caught myself down on the floor. And she helped me get out of the floor. I didn’t eat for a few days, she didn’t eat for a few days,” panugiron sini. “I think that tells so much about how much she cares for me, how much she loves me. I’m grateful everyday na she’s there to make me happy and supporting me in the dreams that I want.”
Antes sini, vocal na nga daan kag proud si Alexie sa iya nga androgynous identity.
“And I feel like it’s better if you don’t put yourself a limit into what you can, you know, expression mo sa sarili mo. And it’s so much better. I’m happier. I’m comfortable and I feel confident and I don’t think—there’s nothing wrong with that,” paathag sini.
Ang “androgyny” isa ka gender expression nga naga-impon sang traditional masculine kag feminine traits. Paagi ini sa mga tawo nga mapabutyag ang ila kaugalingon nga indi lamang limitado sa scope sang conventional gender identities.
Sang nagligad nga adlaw sang ginpatigayon sa Leon, Iloilo ang homecoming parade parade sa Filipina beauty queen matapos sini nadag-an ang Miss Eco International crown sa pageant sa Egypt.
