Ginklaro sang actor nga si Jameson Blake nga wala sila sang romantic relationship ni Barbie Forteza.
Nagguwa ang dating rumors matapos nakit-an ang duha sa isa ka fun run sa Pampanga sang Hunyo, kun sa diin sa isa ka picture, magka-holding hands ang mga ini samtang naga-akomodar sang photo requests halin sa fans.
Pahayag ni Jameson, gina-assist lamang sini si Barbie samtang nagapaguwa bangud madamo sang mga tawo, apang wala na ini sang iban pa nga buot-silingon.
“Honestly, we are not together. The reason why nahuli kami holding hands kasi andaming tao nung nagpa-picture sa kaniya… I was just assisting her palabas. Gets ko naman people will think different,” suno sa actor paagi sa vlog ni Ogie Diaz.
Pila ka beses na nga nakit-an sanday Barbie kag Jameson nga nag-updanay sa fun run lakip na ang sa “Lights Camera Run” sa Pasay sang Mayo.
Natalana sila nga mag-updanay sa isa ka project nga “Kontrabida Academy” kaupod kanday Eugene Domingo, Michael De Mesa, Ysabel Ortega, Xyriel Manabat kag Carmina Villaroel.
Sang nagligad nga adlaw, sa 75th anniversary event sang isa ka network, nakit-an man si Barbie nga ka-istorya ang ex-boyfriend sini nga si Jak Roberto. Apisar sadto, ginaklaro ni Barbie nga indi na sini gusto nga istoryahan ang breakup bilang respeto na lang sa ila nga relasyon nga naglawig man sang masobra sa pito ka tuig.
