Narekober sang mga otoridad ang isa ka sako nga may unod nga ginapatihan mga tul-an sa Taal Lake samtang nagapadayon ang retrieval operations para sa mga nadula nga mga manugbulang, nga ginasiling ginpangpatay kag ginpangtagbong sa nasambit nga tourist destination.
Suno kay Police Col. Geovanny Emerick Sibalo, provincial director sang Batangas Police, nakita ang sako mga 10 metros halin sa shoreline kag gilayon ini ginturn-over sa regional Scene of the Crime Operatives (SOCO) para sa forensic examination agud masiguro kon human remains ini.
Magasalom liwat ang mga diver sang Philippine Coast Guard buwas alas 6:00 sang aga.
