Tion na agud manabat si US President Donald Trump sa mga nangin desisyon sini, lakip na ang pagsugod niya sang mga kinagamo sa pila ka bahin sang kalibutan.
Ini ang ginpahayag ni former US President Barack Obama matapos sini nga ginpakamalaot si Trump sa isa ka campaign rally sa Cleveland, Ohio, sang Oktubre 24.
Sa nasambit nga rally, naghatag sang suporta si Obama sa pila ka mga kandidato sang Democratic Party nga counterpart sang Republican Party kun sa diin myembro si Trump.
Sa amo man nga aktibidad, gin-akusaran sang anay presidente si Trump nga korap.
Gintudlo man sini ang US President nga isa sa mga rason sang padayun nga pagsaka sang presyo sang produktong petrolyo kag amo sang nagasaka pa nga living costs sa pungsod.
Madumduman nga nangin mainit ang tension sa Middle East kag Estados Unidos sang Amerika bangud sa nangin lihok ni Trump sa pungsod sang Iran.
