Gindepensahan ni Senator Chiz Escudero ang iya nangin desisyon bilang Impeachment court presiding officer nga pahalugan ang Rule 18 sang sub judice.
Tinutuyo sini nga mahatagan sang tion nga magpahayag ang defense team sagwa sang korte, matapos nga gin-atras sang prosekusyon ang tatlo ka articles of impeachment batok kay Vice President Sara Duterte.
Lakip man sa hilway nga makahatag sang ila sentimento amo ang mga testigo nga igapresenta tani sang kampo ni Duterte may kaangtanan sa withdrawn articles.
Suno sa iya, indi mangin patas sa defense kun indi ang mga ini makaplastar sang ila ebidensya bisan pa sa social media ukon media platforms bangud sa Rule 18 ukon Sub Judice Rule sa impeachment trial.
Ang nangin pahayag ni Escudero ang kasunod man sang negatibo nga komento nga nabatun sang korte sa ika-39 nga adlaw sang impeachment trial ni VP Sara sang Oktubre 14 kun sa diin nangin mainit man ang pagsabtanay sang defense kag prosecution team.
