Kung may isa ka boksingero nga makarelate gid kay Manny Pacquiao sa pagbato sa edad nga lapaw na sa 40 , amo si Bernard Hopkins, ang pinakatigulang nga boxer nga nagdaog sang world title sa edad nga 49.
Subong, si Pacquiao naman ang magahampang sa posibilidad nga mangin ikaduwa nga pinakatigulang nga kampyon sa kasaysayan, sa iya comeback fight kontra WBC welterweight champion Mario Barrios sa Hulyo 19 sa Las Vegas.
Bisan si Pacquiao sa edad nga 46 kag sa apat ka tuig nga pahuway, ginasuportahan siya ni Hopkins kag suno sa iya, may speed kag abilidad pa si Pacquiao nga makahatag sang upset.
Pero nagapati si Hopkins nga indi magalab-ot sa stoppage ang ila pagsambuwa sa ring , kag posible pa lang nga si Manny ang magdaog sa decision.
Si Hopkins, nga isa ka undisputed middleweight champion, kag nag-untat pag-boxing sang 2016 matapos napirdi kontra kay Joe Smith Jr.
