Pareho nga nagdaog sanday former featherweight world champion Mark “Magnifico” Magsayo kag Olympic bronze medalist Eumir Marcial sa ila tagsa ka hampang sa undercard sang Manny Pacquiao vs Mario Barrios match subong nga Domingo, Hulyo 20, sa MGM Grand sa Las Vegas, Nevada, USA.
Ginlutos ni Magsayo ang kasumpong sini nga Mexican nga si Jorge Mata via unanimous decision sa WBC Continental American super featherweight title bout.
Tatlo ka judges ang nagpabor sa Pinoy, 100-90, 100-90, 98-92 matapos ang 10 rounds.
Nagsaka na ang record sang former world champion sa 28-2 nga may 18 knockouts kag na-claim pa ang WBC Continental Americas belt.
Sa pihak nga bahin, gintumba naman ni Marcial sa third round ang American fighter nga si Bernard Joseph nga amo ang imbukada nga sambuwa sa undercard.
Kasunod sang third-round technical knockout win, nagsaka na sa 6-0 ang professional record sang Olympian nga may 4 knockouts.#
