Nagpanumpa bilang Secretary kag lead convenor sang National Anti-Poverty Commission (NAPC) si anay senador Emmanuel “Manny” Pacquiao.
Ini nga seremonya ang ginpangunahan ni President Ferdinand Marcos Jr. sa Malacañang kahapon, Septyembre 8.
Suno sa Palasyo, nagasalig si Marcos sa liderato ni Pacquiao sa pagpalig-on sang kampanya sang gobyerno batok sa kapigaduhon kag sa pagpalapit sang mga serbisyo sang gobyerno sa mga komunidad.
“Ipinahayag ng pangulo ang kanyang tiwala sa pamumuno ni [Secretary] Pacquiao sa pagpapaigting ng mga pagsisikap ng pamahalaan laban sa kahirapan, pagsusulong ng repormang panlipunan, at paglalapit ng mga programa at serbisyo sa mga komunidad sa buong bansa,” suno sa press release sang ahensya.
Pahayag naman ni Pacquiao, personal ang iya koneksyon sa kampanya batok sa kapigaduhon bangod iya mismo ini naagyan sang una.
“Salamat kay Pangulong Bongbong Marcos sa tiwala na makapagbigay muli ng serbisyo. Sa kahirapan doon ako galing. Naranasan ko matulog sa karton sa kalsada, uminom lang ng tubig, walang makain at mag-ipon ng barya para lang makatulong sa pamilya. Kaya ang puso ko, naroroon talaga sa mga kababayan nating naghihirap,” suno sa Pinoy boxing icon.
Ginsiling niya nga mangin prayoridad niya ang pagsiguro nga ang mga programa sang gobyerno direkta nga makalab-ot sa pinaka-kapigado nga mga komunidad sa bug-os nga pungsod.
Dugang pa ni Pacquiao, indi ini parte sang pulitika kundi isa ka matuod nga serbisyo publiko para sa 14 ka basic sectors kag mga pamilya nga nagakinahanglan sang bulig.
“Sa nakalipas na mga taon, may posisyon man ako sa gobyerno o wala, hinding-hindi ko itinigil ang pagtulong at pagpapatayo ng libreng pabahay para sa ating mga kababayan. Pero ngayong pinagkatiwalaan tayo sa NAPC, sa tulong ng Panginoon, mas malaki pa ang magagawa natin.”
Suno sa iya team, magasugod si Pacquiao sang nationwide grassroots consultations para ma-koordinar ang mga tikang sang 24 ka key government departments sa pag-atubang sa kapigaduhon.
Antes sini nga posisyon sa gobyerno, nangin kabahin ang eight-time division champion sang public service bilang kongresista sang Sarangani halin sang 2010 tubtub 2016 kag nangin senador halin sang 2016 tubtub sang 2022.#
