Nakuha sang mga kaalyado ni anay Presidente Rodrigo “Digong” Duterte ang madamo nga komitiba sa Senado.
May pinakamadamo amo si Senador Alan Peter Cayetano nga nakuha ang Committee on Accounts, Higher, Technical and Vocational Education Committee, Justice and Human Rights Committee kag Science and Technology.
Nakuha naman ni Senadora Imee Marcos ang Committee on Cooperatives, Foreign Relations kag Labor, Employment and Human Resource Development.
Nagkadto naman kay Senadora Pia Cayetano ang Committee on Energy, Ways and Means kag Sustainable Development Goals, Innovation and Futures Thinking.
Nakuha naman ni Senador Robin Padilla ang tatlo ka komite nga Committee on Constitutional Amendments and Revision of Codes, Cultural Communities and Muslim Affairs kag Public Information and Mass Media Committee.
Si Senador Bong Go naman ang nag-uyat sang Committee on health and demography, Youth kag Sports.
Nagkadto naman kay Senador Rodante Marcoleta ang Senate Blue Ribbon Committee kag Trade, Commerce and Entrepreneurship.
