Ginalauman sang Philippine Atmospheric, Geophysical and Astronomical Services Administration (PAGASA) nga may posibilidad nga magsulod ang 17 ka bagyo sa Philippine Area of Responsibility (PAR) halin Agosto 2025 tubtob Enero 2026.
Suno sa PAGASA, posible nga may duha tubtob tatlo ka bagyo nga magsulod subong nga bulan sang Agosto.
Sa bulan sang Setyembre kag Oktubre, ginalauman nga duha tubtob apat ka bagyo ang posibleng mabuo.
Sa bulan naman sang Nobyembre, nagalab-ot sa duha tubtob tatlo ka bagyo ang ginalauman nga magtupa, samtang isa tubtob duha ka bagyo naman sa bulan sang Disyembre.
Sa Enero 2026, ginpahayag sang ahensya nga posible nga wala ukon isa lang ka bagyo ang mabuo.
