Ginkumpirma sang Israel Defense Forces (IDF) nga nagpalupad ang Yemen sang ballistic missile nga amo ang rason sang paghuni sang mga sirena sa central Israel.
Suno sa militar, nagwasa-ag ang missile kag ang pila ka parte sini ang nagtupa sa central part sang pungsod, apang wala man sang dako nga halit nga natuga.
Sa statement naman sang Houthis nga naka-base sa Yemen, gin-ako nila ang panibag-o nga ballistic missile attack nga suno sa ila nag-igu sa Ben Gurion Airport nga malapit sa Tel Aviv.
Gindugang man nila nga nagpalupad sila sang drones nga naga-target sang ila target nga Israelis sa Tel Aviv kag sa Ashkelon.
Na-intercept sang militar ang isa ka drone sa southern Israel; samtang ginapatihan naman nga nahulog ang isa ka missile antes pa man ini makalab-ot sa Israel.
