Ginhingyo ni former Philippine National Police Chief Nicolas Torre III nga indi siya pagkaluoyan matapos ginkakas sa posisyon bilang hepe sang organisasyon.
Sa iya ginpagwa nga pahayag apat ka adlaw matapos ang pag-relieve sa iya, ginsiling ni Torre nga ang dapat kaluoyan amo ang mga pumuluyo nga biktima sang mga pagbaha.
Gin-athag man niya nga wala siya sang kalain sang buot kay Presidente Ferdinand Marcos Jr.
Nagpasalamat man ini sa tanan nga nagsuporta sa iya kag ginpahayag nga magapadayon siya sa pagserbisyo bilang katapo sang Philippine National Police.
