Ginbuyagyag sang Malacañang nga mangin ang proyekto ni First Lady Liza Marcos ang nangin biktima sang kumpaniya sang mga Discaya.
Personal nga ginpakita ni Palace Press Officer Atty. Claire Castro sa media ang building sang Philippine Film Heritage Building sa Intramuros, Manila nga madamo sang depekto kag dapat natapos sang September 4, 2025.
Ang contractor sang proyekto nga may pondo nga kapin P107 millon amo ang Great Pacific Builders and General Contractor, Inc., isa sa mga kumpaniya sang mga Discaya.
Ginsuguran ini sang Enero 2025 apang wala natapos kahapon, Septyembre 4.
Dugang ni Castro, manubo ang kalidad sang pagkatukod.
Ginkaakig naman ni First Lady ang palpak nga trabaho kag nagmando sang imbestigasyon.
Pila sa nakit-an nga depekto sa building amo nga sa semento ang salog sa baylo nga tilas, may mga naga-leak nga tubo, barado ang drainage system kag iban pa.
