Ginpangalanan ni Curlee Discaya si USWAG Ilonggo Rep. Jojo Ang bilang isa sa mga opisyal sang gobyerno nga nagapangayo sang porsyento sa kada proyekto nga gina-award sa ila.
Si Curlee ang bana ni Sarah Discaya kag ang mag-asawa ang nagapanag-iya sang mga construction companies nga nakakuha sang kontrata sa gobyerno sa dalagko nga mga flood control projects sa pungsod.
Suno kay Curlee, isa si Ang sa mga opisyal nga sulit-sulit nga naggamit sa ila kag kun indi magpasugot sanday Discaya, mahimo sang paagi ang mga opisyal nga indi madayon ang mga proyekto.
Dugang ni Curlee, 10-25% ang ginapangayo nga porsyento ni Ang kag iban nga mga opisyal.
