Magatambong si FIFA President Gianni Infantino sa pagbukas sang 2025 Futsal Women’s World Cup sa Philsports Arena.
Ginkumpirma ini ni Philippine Football Federation President John Gutierrez samtang nga masako na ang preparasyon para sa pagbukas sang tournament sa weekend.
Suno kay Gutierrez, nagalaum sila nga makakadto man sa seremonya si President Ferdinand Marcos, Jr.
Diri naman sa Pilipinas ang 15 ka mga team halin sa iban nga mga pungsod nga magapasakop sa hinampang — ang Italya, Portugal, Spain, Poland, Columbia, Argentina, Brazil, Canada, Panama, Morocco, Tanzania, New Zealand, Iran, Thailand, kag Japan.
Maga-atubangay sa imbukada nga hampang ang Morocco kag Argentina 6:00 sa gab-i kag pagasundan sang opening ceremony sa 8:00 p.m. Sunod nga magahampang ang Pilipinas kontra sa Poland.
Ang World Cup players nga sanday Jaclyn Sawicki, Katrina Guillou kag Isabella Flanigan amo ang magapanguna sa team sang Pilipinas. Nakahanas na sila sa Espanya kag nagbalik diri sa pungsod sang Nobyembre 12.
