Magapabilin sa kustodiya sang International Criminal Court (ICC) sa The Hague, Netherlands si former President Rodrigo Duterte matapos nagdesisyon ang Appeals Chamber nga ibasura ang iya apelar para sa interim release.
Unanimous ang desisyon sang chamber.
“Having rejected the three grounds of appeal, the appeals chamber unanimously confirms the impugned decision,” suno sa desisyon nga ginbasa ni presiding judge Luz Del Carmen Ibañez sa open court.
Sa ruling, ginpaboran sang Appeals ang nauna nga desisyon sang Pre-Trial Chamber I kun sa diin una na nga ginplastar nga bisan ang temporaryo nga paghilway sa anay presidente ang makadala sang risgo sa mga testigo, mga ebidensya, kag sa integridad sang imbestigasyon.
Wala nagtambong si Duterte sa hearing kag ang nagtiglawas sa iya amo ang lead counsel sang defense nga si Atty. Nicholas Kaufman.
Sa una nga statement ni Kaufman, ginsiling nila nga mahimo maplastar sang defense team ang ICC Rule 118 nga naga-require sang Pre-Trial Chamber nga irepaso ang status sang detainee sa kada 120 days kag magpatigayon sang at least isa ka hearing kada tuig.
Wala na nakahambal si Kaufman sa pagbasa sang desisyon subong nga hapon.
More on this shortly.
