Nagpaandam ang Department of Justice (DOJ) nga may pangatubangon nga kunsekwensya ang mga tawo nga nagabulig kay Senator Ronald “Bato” Dela Rosa nga mapalagyuhan ang arrest warrant nga gin-isyu sang International Criminal Court (ICC).
“Those who might be aiding, abetting, or helping Senator Bato evade the law, there are consequences,” suno kay DOJ Secretary Fredderick Vida. “We know that under the rule of law, there is accountability … not only in the eyes of Philippine law but also under the law of the ICC, because this is a validly issued arrest warrant.”
Matandaan nga nagpaidalom si Dela Rosa sa protective custody sang Senado halin sang ginlagas siya sang agents sang National Bureau of Investigation (NBI) sang nagbalik siya sa Senado sang Lunes sang hapon, Mayo 11.
Sang Myerkules sang gab-i, may natabo nga shooting sa Senate building. Sang Huwebes sang kaagahon, nakapalagyo na si Dela Rosa kun sa diin nakit-an nga kaupod sini si Senator Robin Padilla.
Kahapon naman sang ginpagwa sang DOJ ang mandu sa PNP kag NBI nga arestuhon si Dela Rosa nga ginatawag na nga “fugitive from justice” matapos nga ginbasura sang Supreme Court ang iya ginapangabay nga temporary restraining order (TRO).
Kahapon sang ginpagwa sang DOJ ang mandu sa PNP kag NBI nga arestuhon si Dela Rosa nga ginatawag na nga “fugitive from justice” matapos nga ginbasura sang Supreme Court ang iya ginapangabay nga temporary restraining order (TRO).
Ginkumpirma man sang ahensya nga nakapasa na sila sang request para sa Red Notice sa Interpol batok kay dela Rosa.
Suno sa DOJ, kabahin ini sang legal nga proseso agud mapatuman ang arrest warrant nga ginpagwa sang ICC may kaangtanan sa mga kaso nga crimes against humanity kaangot sa “war on drugs” campaign.
Sa website sang Interpol, ginpaathag nga ang red notice amo ang request sa law enforcement sa bilog nga kalibutan nga tultulon kag arestuhon (provisionally) ang isa ka tawo samtang pending ang extradition, surrender, ukon similar legal action.#
