Pormal na nga gin-file sa Makati Regional Trial Court (RTC) ang request sang gobyerno sang Estados Unidos nga ipa-extradite ukon ipadala sa Amerika ang founder sang Kingdom of Jesus Christ (KOJC) nga si Apollo Quiboloy.
Sa pahayag sang Department of Justice (DOJ) sini nga Martes, gin-file ang extradition petition sang Nobyembre 9, 2026, kag na-raffle sa Makati RTC Branch 145.
Lakip man sa extradition request, magluwas kay Quiboloy, amo sanday Teresita Dandan kag Helen Panilag.
Una na nga nag-request ang gobyerno sang Estados Unidos sa Pilipinas nga ipa-extradite si Quiboloy agud atubangon ang mga kaso nga sex trafficking kag racketeering nga ginapasaka batok sa iya sa nasambit nga pungsod.
Naka-detain subong si Quiboloy sa Pasig City Jail bangud sa qualified human trafficking kag iban pa nga mga kaso.
Una naman nga ginpahangop sang DOJ nga ang extradition proceeding isa ka “sui generis”, indi criminal proceeding, kag wala naga-involve sang determinasyon sang guilt or innocence sang akusado.
“His guilt or innocence will be adjudged in the court of the state where he will be extradited,” pahayag sang ahensya.#
