Nagpasaka ang National Bureau of Investigation ukon NBI sang disbarment case sa Supreme Court batok kay anay Negros Oriental Representative Jacinto “Jing” Paras kag apat ka abogado.
Ini bangud sa pag-angot sang mga ini sa ginatawag nga “honey trap” plot batok kay Executive Secretary Ralph Recto.
Suno sa NBI, lakip sa apat ka abogado amo sanday Ruy Rondain, Orlando Mendiola, Patrick Criaga, kag Josemilio Manuel Apostol.
Gin-alegar sang NBI nga naghimo ang grupo sang mga peke nga mga pahayag agud gub-on ang reputasyon ni Recto.
Nahibaluan nga naangot man sa amo nga plano si Batangas First District Representative Leandro Leviste, nga gin-alegar nga amo ang nagpondo sa amo nga operasyon.
Nagpasaka man ang NBI sang reklamo nga may kaangtanan sa “qualified human trafficking” batok sa mga nasambit nga personalidad sa Department of Justice sang Setyembre 4.
Padayon naman nga gina-review sang DOJ ang mga reklamo nga ginpasaka sang NBI.
