Indi na makontak sang Department of Justice ang kadam-an sa pamilya sang mga nadula nga sabungeros.
Suno kay Prosecutor General Richard Fadullon, amat-amat nga nabuhinan ang kadamuon sang mga complainant sa kaso nga ginpasaka sa korte.
Sa Sta. Cruz, Laguna, duha sa tatlo ka complainant nga ginpresentar sang DOJ ang indi na nila makontak.
Wala naman nagapakig-angot sa DOJ ang mga pamilya sang mga biktima sa Lipa City, Batangas kag San Pablo, Laguna.
Apang padayon nga nagapakig-angot sa DOJ si Maria Carmelita Lasco, iloy sang nadula nga sabungero nga si Ricardo “Jon” Lasco, nga amo na lang ang nabilin nga complainant nga aktibo nga naga-pakig-angot sa ahensya.
Ginpunto ni Fadullon nga magapadayon sa gihapon ang mga criminal case apisar wala na naga-coordinate ang mga pamilya sang mga biktima.
Suno sa opisyal, wala nagadepende sa presensya sang mga ini ang kriminal nga aspeto sang kaso.
Sa karon, nagapadayon gihapon ang mga kaso nga ginpasaka sang DOJ batok sa mga may kaangtanan sa pagkadula sang mga sabungero.
