Posible nga ipaguwa na subong nga semana ang report sang medical experts kaangot sa ginpatigayon nga medical examination kay former President Rodrigo Duterte.
“On the 5th of December, we’re due to receive the panel of experts’ reports, the medical evaluations of the former President. Until then, I’m not really entitled to comment or even suggest what might be contained in those reports because there’s an ongoing litigation,” suno kay Nicholas Kaufman, legal counsel sang anay presidente.
Nagalaum si Kaufman nga mapamatud-an sa evaluation sang medical experts nga husto ang defense team sa ila petisyon, ilabi na bangud mabudlay mag-trabaho sa kaso ni Duterte sa International Criminal Court (ICC) bangud sa iya kondisyon subong.
“We hope that the evaluation of the medical experts will prove that we are right in our submissions. We work with [Duterte] on a daily basis, and we find it extremely difficult because of the impediments that he’s facing,” pahayag pa sang abogado.
Kun makaguwa na ang report sa medical evaluation, magapasa sang ila sabat ang kampo ni Duterte antes ukon mismo sa Disyembre 12.
Pahayag pa sini, dismayado sila, apang wala na nakibot sang ginbasura sang ICC Appeals Chamber ang apelar ni Duterte para sa interim release. Ginkumpirma man sini nga napahibalo na niya sa anay presidente ang amo nga desisyon sang korte.
“In fact, we told him that never in the history of the ICC has a suspect been released when charged with crimes against humanity. If we’d have succeeded, it would have been miraculous. It would have been a great occasion,” pahayag ni Kaufman.
Nahibaluan nga may pending appeal pa ang kampo ni Duterte sa Appeals Chamber may kaangtanan sa paghangkat sa hurisdiksyon sang ICC sa Pilipinas. Mahimo ipaguwa ang desisyon sang Chamber kasunod sang judicial recess sang ICC. Magabukas ang ICC sang 2026 judicial year sa Enero 27, 2026.#
