Ginalauman ni National Bureau of Investigation (NBI) Director Melvin Matibag nga maaresto si Senator Ronald “Bato” Dela Rosa antes ang paskwa.
Suno kay Matibag, mangin malipayon gid ang paskwa sang publiko kun madakpan na ang pugante nga senator.
Mantadaan nga una na nga ginpahayag ni Matibag nga dako ang tyansa nga madakpan nila si Dela Rosa kasunod sang ila nagapadayon nga papangita kay Dela Rosa kun sa diin ginapatihan nga yara lamang ini sa sulod sang pungsod.
Apang, indi pa sa subong masabat ni Matibag kun yara gid man sa Mindanao ang si Dela Rosa kasunod sa nga alegasyon nga yara sa lugar ang senator.
Nahibaluan nga ginapahayag nga may yara sang grupo sa Mindanao ang nagaprotektar kay Dela Rosa.
Matandaan nga may yara sang arrest warrant nga gin-isyu ang International Criminal Court ukon ICC batok kay Dela Rosa bilang indirect co-perpetrator sa crimes against humanity nga may kaangtanan sa mga pagpamatay kadungan sang kampanya kontra droga sa idalum sang administrasyon ni former President Rodrigo Duterte.
Matandaan man nga gin-anunsyo ni Department of the Interior and Local Government (DILG) Secretary Jonvic Remulla nga may ₱50-million nga patong sa ulo ni Sen. Ronald “Bato” Dela Rosa.
