Isa ka mataas nga komisyon sang Vatican ang nagboto batok sa posibilidad nga pahanugutan ang kababainhan nga mangin deacon sa Simbahang Katolika.
Ini ang base sa isa ka report nga ginsumiter kay Pope Leo XIV nga ginpagguwa kahapon, Disyembre 4.
Sa boto nga 7-1, ginsiling sang komisyon nga ang kasaysayan kag teolohikal nga pagtuon ang wala nagapahanugot nga maordinahan ang mga kababainhan bilang deacon sa subong.
Apang, ginarekomendar sa gihapon ang dugang nga pagtuod tuhoy diri.
Ini ang una nga botohay nga ginpagguwa sang Vatican ang resulta sang duha ka komisyon nga ginhimo sang nagtaliwan nga si Pope Francis agud tun-an ang posibilidad sang women deacons.
