Ginkalipay sang mga pamilya sang biktima sang drug war ni anay President Rodrigo Duterte ang maayo nga kahimtangan sini.
Ini bangud suno sa ila nga maayo gid nga masigurado nga madayon ang aktuwal nga trial.
Nahibaluan nga nagtipon ang mga pamilya kag human rights advocates sa National Council of Churches in the Philippines sa Quezon City agud masaksihan ang status conference sa The Hague.
May pila ka mga pamilya nga naghugyaw sang nakit-an na si Duterte bangud sa una nga kahigayunan nakit-an nila liwat nga nag-atubang sa publiko ang anay presidente halin sadton Marso 2025.
Nagalaom naman ang mga ini nga mapadayon ang trial agud nga makuha ang hustisya para sa mga biktima.
Nag-upod man sa group viewing ang ila mga abogado, mga representatives sang simbahan kag pila ka human rights organizations.
