Nadugangan pa ang gold medal collection sang Filipina wushu athlete nga si Agatha Wong sa Southeast Asian (SEA) Games.
Nagpangibabaw siya sa women’s taijiquan-taijijian event sa 33rd SEA Games sa Ratthaprasasanphakdi Building Government Complex Chaeng Watthana sa Bangkok, Thailand subong nga adlaw, Disyembre 14.
Ini na ang pang-anum niya nga SEA Games gold medal sa kabug-usan matapos nakadaog man sang tag-isa sang 2017, 2021, kag 2023, kag duha sadtong 2019.
Ang iya kadalag-an amo ang pang-16 nga bulawan nga medalya sang Pilipinas sa sini nga biennial meet. As of press time, may 23 silver medals kag 53 bronze medals ang Pilipinas.
 Games.){kind=link}