Ginpamatbatan sang reclusion perpetua ukon 20 tubtob 40 ka tuig nga pagkapreso sa kada count sang ‘rape’ ang isa ka pari bangud sa paghimulos sa isa ka 16-anyos nga estudyante.
Ang pari amo si Father Mark E. Batolne, nga gindagdagan sang sentensiya ni Presiding Judge Modesto D. Bahul Jr. sang Regional Trial Court Branch 2.
Natabo ang paghimulos sa kwarto nga ginatiniran sang dalagita sa sulod sang compound sang Diocese sang Baguio sang Marso 2023.
Sang amo nga tion, si Batolne ang finance administrator sang Diocese sang Baguio.
Napamatud-an nga guilty ang pari sa idalom sang Articles 266-A kag 266-B sang Revised Penal Code kun sa diin napamatud-an nga naggamit ini sang kutsilyo agud pahugon ang dalagita.
Anom ka beses nga natabo ang pagpanghimulos sang Marso 2023.
Sa kada kaso, 20 ka tuig ang katumbas nga pagkapreso gani magalawig sang kabilugan nga 120 ka tuig ang iya sentensya.
Magluwas sa pagkapreso, pabaydon man ini sang ₱225,000 bilang danyos sa biktima.
