Naka-record ang Philippine National Police (PNP) sang 15 ka kaso sang indiscriminate firings kadungan sang holidays halin sang Disyembre 16 tubtub sang Enero 1.
Apat sa sini nga mga insidente ang naga-involve sang personnel mismo sang PNP.
Tag-duha ka kaso ang natabo sa Ilocos Sur kag Iloilo, samtang tag-isa naman sa Abra, Batangas, Benguet, Cagayan de Oro City, Catanduanes, Isabela, Manila, Negros Occidental, Pampanga, Parañaque City, kag Surigao del Sur.
Base sa data sang pulis, anum sa sini nga mga kaso ang natabo sa Christmas Day, tatlo sang kaagahon sang New Year’s Day, duha sang Dec. 22, kag tag-isa sang Dec. 18, 19, 21, and 31.
Bangud sa amo nga insidente, 14 ka mga indibidwal ang gindakop, samtang tatlo naman ang nagapabilin nga at large.
Sa mga kaso nga naga-involve sang police personnel, kun basehan ang PNP data, lakip sa na-rekord amo ang police master sergeant sa Surigao del Sur, police senior master sergeant sa Iloilo, patrolman sa Parañaque City, kag patrolman sa Cagayan de Oro.
Arestado ang tatlo nga halin sa Surigao del Sur, Iloilo, kag Paranaque, samtang ginapangita pa ang personnel nga involved sa insidente sa Cagayan de Oro.
