Nakumpiskar ang halos P4-million nga balor sang ginapasuni nga marijuana products kasunod sang raid sang mga awtoridad sa warehouse sang isa ka kilala nga delivery company sa Purok 3, Barangay San Isidro, Bunawan District, Davao City.
Nanguna sa operasyon ang Philippine Drug Enforcement Agency (PDEA) Region XI nga gin-updan sang mga katapo sang National Bureau of Investigation (NBI) kag units sang Philippine National Police (PNP).
Lakip sa mga nakumpiskar amo ang marijuana kush, marijuana rolls and bricks, kag disposable vape pens nga nagaunod sang marijuana oil nga halin sa nanuhay-tuhay nga brand names.
Gintugyan ang ebidensya sa PDEA Region XI–Seaport Interdiction Unit sa Toril Office para sa nagakaigo nga kustodiya kag sa pagpasaka sang nagakaigu nga kaso.
