Ginpanginwala ni Executive Secretary Ralph Recto nga may natalana nga balasahay sang posisyon sa Gabinete sang Marcos Jr. administration.
Suno kay Recto, wala sang anuman nga “constructive purpose” para sa gobyerno kag para sa mga Pilipino ang anuman nga espekulasyon subong natuhoy sa ginaalegar nga revamp.
Pahayag pa ni Recto, ang tanan nga appointees sang administrasyon ang nagaserbe sunod sa mandu sang presidente. Ang ila performance suno sa iya ang subject sa tayuyon nga pag-review sang Office of the President.
”Everyone should remain focused on their jobs for the good of our people,” suno kay Recto.
Nag-umpisa ang huring-huring sang nagligad nga semana nga islan ang liderato sa Department of Education, Department of Transportation, Department of Tourism, kag mangin sa Department of Public Works and Highways.
Matandaan nga nagmandu anay si Marcos sang courtesy resignations sang Cabinet secretaries sang Mayo 2025 agud nga ma-recalibrate ang iya administrasyon kasunod sang midterm elections.
Sang Nobyembre, tatlo ka high-ranking officials ang nag-resign lakip sanday former Executive Secretary Lucas Bersamin kag ex-Budget Secretary Amenah Pangandaman.
