Nag-isyu sang subpoena ang National Bureau of Investigation (NBI) kay Batangas First District Representative Leandro Leviste kag anay kongresista nga si Jing Paras.
Ini ang kasunod sang affidavit sang nadakpan nga talent manager nga nagasiling nga ginaalegar may plano sila nga pasakaan sang himo-himo nga akusasyon ukon i-frame si Executive Secretary Ralph Recto paagi sa isa ka “bugaw” ukon human trafficking nga modus.
Ginpirmahan ni NBI Director Melvin Matibag ang mga subpoena sini nga Biyernes.
Manduan si Leviste kag Paras nga mag-atubang sa NBI sa masunod nga Miyerkules ukon Huwebes.
Nagpahayag si Matibag nga kinahanglan nga maghatag sila sang klaripikasyon sa isyu.
“Magbigay-linaw sila dito kasi mahirap namang sa social media mo lang itatanggi,” suno kay Matibag.
Nahibaluan nga nagpatigayon ang NBI-NCR sang entrapment operation sang Martes sa isa ka five-star hotel sa Manila nga nagresulta sa pagkadakop sa talent manager kag pag-rescue sa lima ka female artists.
Nauna na nag-release ang kongresista sang statement nga nagapanginwala sang iya nga involvement sa amo nga isyu.
“May mataas na opisyal ng gobyerno na tila nambabae sa [certain place]. Wala akong kinalaman doon,” suno kay Leviste.
“Naging defensive at nagpakalat siya ng fake news. Pero biglang dinelete. Pinadelete ba niya iyung article dahil ayaw niyang lumabas ang katotohanan?” dugang sini.#
 kay Batangas First District Representative Leandro Leviste.){kind=link}