Magabalik ang BTS sa Pilipinas para sa ila world tour sa 2027!
Sa announcement sang Big Hit Music subong nga gab-i, nakalista ang Manila para sa duha ka adlaw nga show sa Marso 13-14.
Ang BTS World Tour 2026-2027 amo ang ila nga una nga global performance matapos nakumpleto nila ang ila nga mandatory military service sa South Korea.
Katapusan nga naka-perform ang BTS sa Manila sa Mall of Asia Arena sadtong 2017 para sa “BTS Live Trilogy Episode III: The Wings Tour.”
Ini nga K-Pop supergroup ang ginabug-usan nanday RM, Jin, j-hope, Jimin, Suga, V, kag Jungkook.
Balantayan man ang ila ipaguwa nga ika-lima nga album sa Marso matapos ang hiatus sang grupo halin sang 2022. Sa recent announcement sang BigHit Music, ini nga bag-o nga record ang naga-unod sang 14 tracks.
“The members were deeply involved in the creation of the songs, infusing their own thoughts and colors into them while musically expressing the emotions and struggles they have experienced along their journey,” suno sa BigHit.
“Filled with the music that’s most true to BTS, the album is their heartfelt way of saying thank you to ARMY, who have been there this whole time,” dugang pa sang label.
Available na para sa pre-order ang album umpisa sa Enero 16 sa South Korea (11:00 a.m.), ukon 10:00 a.m. oras sa Pilipinas.#
