Ginbawian sang kabuhi ang isa ka lalaki matapos mabungguan sang isa ka wing van truck samtang nagabulig sa mga biktima sang naaksidente nga motorsiklo sa Barangay Mandangoa, Balingasag, Misamis Or*ental.
Naglabay lang ang biktima sa ginluntaran sang aksidente apang nagpondo ini agud buligan ang mga sakay sang motorsiklo.
Apang hinali lang nga may nagapadulong man nga wing van truck nga madasig ang dalagan kag nabungguan ini.
Nakaluwas naman ang upod sini matapos niya natiklod sang nagapalapit na ang truck.
Ginsiling naman sang driver sang truck nga nadulaan sang preno ang iya nga salakyan rason nga nabungguan niya ang biktima.
Magluwas sa napatay, may pito ka iban pa nga napilasan sa insidente.
Indi na magpasaka sang kaso ang pamilya sang biktima matapos nga naareglo ini.
