Ginpakigbahin ni Bombo correspondent Joseph Timothy Rivera sang Qatar nga sa ginpatigayon nga joint press conference kagab-i sang Defense Ministry ginklaro sang mga ini nga preparado ang pwersa sang pungsod pareho sang ila nga military defense-wise kag sa pagdepensa sang pungsod.
Suno kay Rivera, iya ginpahayag nga gin-gunshot down ang airspace kag wala anay sang bisan sin-o nga makasulod sa nasambit nga pungsod.
Ang Qatari government naghatag man sang advisories nga indi pagpuluton ang mga debris sa palibot bangud may posibilidad nga makatuga ini sang insidente.
Tungod man sang sitwasyon, ginsuspend ang face-to-face classes sa mga eskwelahan kag ginpadayon anay ini online.
Ginsuspend man temporaryo ang Ramadan celebrations bilang kabahin sang safety measures.
Ang gobyerno sang Qatar nagapanawagan man sa publiko nga magpabilin nga kalmado kag magsunod sa mga safety instructions samtang ginamonitor ang sitwasyon.
