Nagatalangison nga ginsugata sang pamilya sa Pilipinas ang pag-abot sang bangkay sang Filipina caregiver nga si Mary Ann De Vera.
Nag-upod man sa pagpauli ang bana ni De Vera nga si Bernie Lavarias nga naga-trabaho man sa Israel.
Sang nagligad nga adlaw, matandaan nga personal nga nagpakigkita si Israeli President Isaac Herzog kay Lavarias agud nga makig-simpatiya sa kasubo sini nga nabatyagan bangud sa kamatayon sang iya asawa.
“Dasal, pakikiramay at buong suporta naman ang ipinahatid ng mga opisyal ng Department of Migrant Workers (DMW), Overseas Workers Welfare Administration (OWWA), H.E. Dana Kursh, at ilang miyembro ng Kongreso at kinatawan ng Senado na sumalubong sa labi ng OFW Mary Ann, bilang pagkilala sa kanyang katapangan at sakripisyo habang ginagampanan ang kanyang tungkulin,” suno sa post sang DMW.
Matandaan nga napatay ang 32-anyos nga caregiver sang naigo ini sang debris sang missile samtang ginabuligan sini ang iya alaga nga makasaylo sa bomb shelter sa kasagsagan ang pagpamomba sang Iran bilang balos man sa nauna nga atake sang US kag Israel sa Tehran.
Tumandok siya sang Pangasinan kag naga-trabaho sa Tel Aviv halin sang 2019.
Una na nga ginpakigbahin sang previous employers ni De Vera nga nagabusong pa ini sang iya subang nga bata sang natabo ang gyera sa Middle East.#
