Ginselebrar sang Balay Pagbag-o sang Iloilo Provincial Government ang kadalag-an sang tatlo sa ila mga residente — duha ang naka-gradwar na sa Senior High School (SHS) samtang isa naman ang nakatapos sa Junior High School (JHS).
Ginpakigbahin sang provincial government ang mga laragway sang mga estudyante suksok ang ila toga samtang upod ang ila pamilya.
“The success of these graduates reflects the facility’s commitment to providing a supportive environment where transformation is possible. By fulfilling their educational requirements, these residents have demonstrated a clear resolve to reshape their futures and contribute positively to the community,” suno sa probinsya.
Nahibaluan nga kabahin ang edukasyon sa comprehensive intervention sang amo nga programa para sa Children in Conflict with the Law (CICL). Nakasanto man ini sa Bulig Eskwela sang Probinsya (BES Probins) thrust sang Iloilo Provincial Government.
“Balay Pagbag-o remains dedicated to its mission of guiding every resident toward a path of restoration, using education as a cornerstone for long-term success,” suno pa sa post sang probinsya.
Ang Balay Pagbag-o nga kilala man bilang Bahay Pag-Asa amo ang nagahatag sang short-term residential care para sa lalaki nga CICL edad 15-17 anyos nga nagahulat pa sang desisyon sang korte ukon posible nga pagsaylo sa ila sa nagakaigu nga mga ahensya sang gobyerno.
Nagatanyag ini nga pasilidad sang nanari-sari nga rehabilitation kag reintegration services para nga masuportahan ang development sang mga pamatan-on amo man ang ila nga ikaayo.
Lakip sa sini nga suporta amo ang case management, family-centered support, homelife and health care, faith-based and values formation programs, educational and developmental services, livelihood and entrepreneurship training, psychosocial interventions, kag recreational and cultural activities.#
