Nalakip ang Iloilo City kag Dumangas sa masobra 20 ka mga lugar sa Pilipinas nga nagalab-ot sa danger level ang heat index subong nga Byernes, Mayo 8.
Sandig sa forecast sang Philippine Atmospheric, Geophysical, and Astronomical Services Administration (PAGASA), posible nga pareho nga yara sa 42°C ang heat index sa duha ka nasambit nga lugar.
Nagatupa ini sa danger level nga kategorya sang ahensya kun sa diin mataas ang risgo sang heat cramps, heat exhaustion, kag heat stroke kun magbulad sa init.
Yari ang forecast sang weather bureau:
45°C
Aparri, Cagayan
44°C
Dagupan, Pangasinan
MMSU, Batac, Ilocos Norte
Tuguegarao City, Cagayan
43°C
Sinait, Ilocos Sur
Laoag City, Ilocos Norte
San Jose, Occidental Mindoro
Cuyo, Palawan
Borongan, Eastern Samar
42°C
Bacnotan, La Union
ISU Echague, Isabela
Baler (Rada), Aurora
Casiguran, Aurora
Iba, Zambales
Cubi Pt., Subic Bay, Olongapo City
Sangely Point, Cavite City
Coron, Palawan
Puerto Princesa City, Palawan
CBSUA-Pili, Camarines Sur
Roxas City, Capiz
Iloilo City
Dumangas, Iloilo
Nahibaluan nga kun tuman ka taas ang temperatura, nabudlayan ang lawas sang tawo sa pagkontrol sang iya internal temperature nga mahimo magresulta sa pagsaka sang body heat kag strain sa vital organs kaangay sang korason kag kidney.
Kon indi ini mahatagan sang nagakaigu nga pag-atipan, mahimo ini maglab-ot sa heat exhaustion ukon heat stroke.
Ginarekomendar sang mga awtoridad ang pag-inom sang madamo nga tubig bisan wala gina-uhaw; paglikaw sa malawig nga pagpainit sa idalom sang adlaw; paggamit sang payong, kalo, kag light clothing; pagpabilin sa may landong ukon lugar nga may maayo nga sirkulasyon sang hangin; kag pagtuon sang basic first aid para sa mga emerhensya nga may kaangtanan sa sobra nga init.
