Bisan binudlayan nga maka-score sa half-time, nangin asud-asud ang goals sang France sa second half para lutuson ang reigning African champions nga Senegal, 3-1, sa ila una nga hampang sa Group I sa FIFA World Cup 2026.
Una nga naka-score para sa French Team ang superstar nga si Kylian Mbappe sa 66th minute.
Naka-goal man si Bradley Barcola sa 82nd minute.
Wala man ma-zero ang Senegal paagi sa goal ni Ibrahim Mbaye sa 5th minute sang added time, apang nag-goal pa gid liwat si Mbappe pagkasunod nga minuto.
Ini na ang ikatatlo nga World Cup nga kabahin si Mbappe sang nagatiglawas sa France.
Sang 2022, naka-hat trick siya ukon tatlo ka goals sa hampang batok kanday Lionel Messi kag Argentina sa finals sa Qatar.
Ginapatigayon ang matchup sang France kag Senegal sa MetLife Stadium sa New Jersey umpisa 3:00 sa kaagahon oras sa Pilipinas.
Ini nga group match amo ang una nga tion nga nagkit-anay liwat ang duha ka nasambit nga pungsod halin sang makakilibot nga resulta sang group match sadtong 2002 World Cup sa South Korea kun sa diin gin-upset sang Senegal ang France 1-0.
