Nahimo na nga bagyo ang Low Pressure Area (LPA) nga gina-monitor sa gwa sang Philippine Area of Responsibility (PAR).
Ulihi nga nakit-an ang bagyo sa kalayuon nga 2,130 nasidlangan sang Eastern Visayas.
Dala sini ang kabaskugon sang hangin nga 55 km/h kag pagmadlos nga tubtub sa 70 km/h. Nagahulag ini pa nakatundan sa kadasigon nga 15 km/h.
Suno sa Philippine Atmospheric, Geophysical and Astronomical Services Administration (PAGASA), kun magsulod na ini sa PAR sa weekend, pagatawgon ini sa local name nga Francisco.
Manubo pa ang tyansa suno sa PAGASA nga maga-landfall ini sa bisan diin nga parte sang pungsod.
“This weather disturbance is less likely to make landfall over the country. Due to its close proximity to the Philippine landmass, hoisting of Wind Signal No. 1 over the eastern portions of Northern Luzon is not ruled out,” suno sa ahensya.
Nagpaandam man ang weather bureau nga mapabaskog sang bagyo ang southwest monsoon ukon ang habagat sa Domingo ukon sa Lunes.
“The tropical depression is less likely to directly affect the weather and sea conditions in the next 3 days. However, it may trigger the resurgence of Southwest Monsoon or Habagat over the country by Sunday,” dugang sa pahibalo sa publiko.
Ginapahanumdom man sa publiko kag sa disaster risk reduction and management offices nga magpadayon sa monitoring para sa updates kaangot sa bagyo.
 nga gina-monitor sa gwa sang Philippine Area of Responsibility (PAR).){kind=link}