Magaserbe bilang first-ever global ambassador sang National Museum sang South Korea ang KPOP Star kag BTS member nga si RM.
Suno sa reports, napili nga ambassador si RM bangud sa interes sini kag impluwensya sa kulutura sang Korea kag amo man sa pag-preserba sang cultural heritage sang nasambit nga nasyon.
Aktibo man ang BTS member sa mga heritage conservation efforts sang pungsod.
Sang nagligad nga 2021 kag 2022, nagdonar ini sang 100 million won ukon P4.1 Million sa Overseas Korean Cultural Heritage Foundation para sa preservation kag reservation sang Korean cultural properties abroad.
Bilang ambassador, si RM amo ang magapanguna sa mga promotional initiatives agud nga mas mapasangkad ang ihibalo sang tanan nahanungod sa history, kultura kag impormasyon sang Korea.
