Arestado ang 105 ka mga indibidwal sa ginpatigayon nga “Birada Semana” operations ukon kampanya sang Police Regional Office 6 (PRO6) batok sa iligal nga pagpangisda halin Hunyo 22 tubtob 28 sa bilog nga Western Visayas.

Lakip sa mga nakumpiskar amo ang mga illegal fishing paraphernalia nga nagabalor masobra P6 Million.

Kasunod ini sang 65 ka ginpatigayon nga anti-illegal fishing operation sang mga kapulisan sa bulig man sang mga lokal nga awtoridad.

Suno kay Acting Regional Director Police Brigadier General Randulf Tuaño, kinahanglan nga hatagan sang importansya ang marine biodiversity, ilabi na nga ini man ang ginakuhaan sang palangabuhian sang mga manugpangisda sa bilog nga rehiyon.

Nahibaluan nga nagapangatubang na sang nagakaigo nga kaso ang mga arestado matapos ang nasambit nga operasyon.