Nadugangan pa ang malawig na nga lista sang achievements ni Miss Universe 2018 Catriona Gray, matapos nalakip ang iya kanta sa shortlist sang 39th Awit Awards.

Nominado ang iya nga 2025 Christmas song nga “Every Christmas” sa Best Christmas Recording category.

Ini ang una nga tion nga nakabaton si Cat sang nominasyon sa Awit Awards — isa ka award-giving body nga nagakilala sa mga matahum kag nagapangibabaw nga mga ambahanon kag recording sang mga Filipino artist.

Proud man nga ginpakigbahin sang beauty queen ang post sang iya talent agency nga Cornerstone kag nagsiling “My first Awit Award nomination.”

Gin-release sang Nobyembre ang “Every Christmas” nga naga-explore sa balatyagon sang pagkamingaw ukon pagkahidlaw sa isa ka tawo ilabi na kun holiday season. Ini man ang pagbalik ni Catriona sa music scene matapos ang iya self-written song nga “Love Language” sang 2021.

RELATED ARTICLESMORE FROM AUTHOR