Magarampa si Miss Universe 2018 Catriona Gray bilang special guest sa Los Angeles Victoria’s Secret Fashion Show 2026 nga pagahiwaton sa Los Angeles, California, USA.
Balantayan ini sa Oktubre 19, 7:30 a.m. oras sa Pilipinas.
Gin-anunsyo sang beauty queen ang iya appearance sa amo nga prestihiyoso nga event paagi sa Instagram Story nga amo ang nagpa-excite sa pageant fans, supporters, kag kaangay man sini nga beauty queens.
Lakip naman sa kumpirmado nga magabalik sa runway sa amo nga fashion show amo sanday Gigi Hadid, Amelia Gray, Candice Swanepoel, Ashley Graham, kag Anok Yai.
Ang nasambit nga event paga-pangunahan sang performances halin sa American artists nga sanday Megan Thee Stallion, Megan Moroney, Tate McRae, kag Global Girl Group nga KATSEYE.
Madumduman nga may international appearance si Catriona sa isa ka Thai reality show Academy Fantasia, isa ka reality competition para sa singers kag actors, kun sa diin naghatag siya sang iya personal advice para sa mga aspiring contestants.
