Mahimo na nga maggamit sang kwalipikado nga homebuyers sa Iloilo ang PAG-IBIG Fund housing loans agud makabakal sang condominium units kasunod sang ceremonial handover sang SM Development Corporation (SMDC) kag PAG-IBIG.
Naga-offer ang PAG-IBIG sang promotional interest rates nga 3%, 4.5% kag 5.75% tubtob Disyembre 31, 2026, depende sa presyo sang propedad kag sa eligibility sang borrower.
Suno kay Dr. Kenneth Macoy, Pag-IBIG Fund BDD Visayas Section Chief for the Countryside Housing Initiative, ang programa nagasuporta sa 4PH housing program sang gobyerno nga may katuyoan nga maghatag sa mga Filipinos halin sa nagkalain-lain nga income groups sang tyansa nga makaangkon sang kaugalingon nga balay.
Ang mga eligible buyers mahimo nga mag-apply sang housing loans subject sa requirements kag terms sang PAG-IBIG.
Text by: Bombo Lynd-C Bade
