Magapatigayon ang International Criminal Court (ICC) sang ikaapat nga status conference subong nga adlaw, Oktubre 13, sa kaso nga crimes against humanity ni anay Presidente Rodrigo Duterte.
Magsugod ang conference alas-10 sang aga sa The Hague, Netherlands, ukon alas-4 sang hapon oras diri sa Pilipinas.
Ipagwa ini paagi sa livestream nga may 30 minutos nga delay.
Pagahambalan sa conference ang schedule sang trial lakip na ang oras nga igahatag sa opening statements kag sa una nga hugnat sang mga ebidensya nga ipresentar sa bulan sang Disyembre.
Istoryahan man sang mga partido ang listahan sang mga testigo sang prosecution kag kun pila ka oras ang kinahanglan nila agud ipresentar ang ila kaso.
Magluwas diri, pagahisugtan man ang ginabulubanta nga oras nga kinahanglan sang depensa kag sang legal representative nga nagarepresentar sa mga biktima.
As of press time, wala pa sang kasiguruhan kun personal nga magatambong si Duterte sa amo nga pagtililipon.
Matandaan nga nag-attend si Duterte sa status conference sang September 16 nga amo ang ikaduha nga tion nga nakit-an siya sang publiko halin sang gindala siya sa Netherlands sang 2025.
Una na nga ginpahayag sang ICC Trial Chamber III nga santo sa assessment sang independent panel of experts, fit ukon makasarang na si Duterte nga mag-atubang sa full-blown trial nga natalana nga magsugod sa Nobyembre 30.#
