Ginpauntat sang The Pod Network ang Machong Chismisan podcast bangod sang mga nangin komento batok kay Josh Aquino sa isa ka episode nila sang damlag.
Ginpalayag sang Miyerkules ang nasambit nga episode kun sa diin madamo nga netizens ang nagpakamalaot kasunod sang ila malain nga komento batok kay Josh nga anak ni Kris Aquino.
Partikular nga ginyaguta sang mga hosts ang disability ni Josh kag ginkumparar sa manghod sini nga si Bimby.
Nahibaluan nga si Josh ang na-diagnose nga may Autism Spectrum Disorder (ASD).
Suno sa official statement sang TPN sa social media, nagapangayo ini sang pasensiya bangod sang natabo pakatapos makabaton sang concerns halin sa publiko.
Dugang pa sang network, ginasiguro nila nga opisyal na nga terminated ang kontrata sang nasambit nga podcast.
Text by: Bombo Paula Yvonne Alavarta
