Natigayon nga masalbar ang isa ka 111-anyos nga indibidwal sa nagakasunog sini nga puloy-an kaina sang kaagahon, 5 a.m, Oktubre 19, sa Barangay Philam, Quezon City.
Suno sa tigulang, nagatukar sya sang piano sang nakabati sya sang paglupok sa sulod sang ila balay.
Sang nagpadulong na ini sa isa ka kwarto, didto niya nakit-an ang nagalapad na nga kalayo nga nangin rason man agud magpangayo sya sang tabang.
Nahibaluan nga wala man sang suplay sang kuryente sa nasambit nga balay kag nagagamit lang sang kandila sa altar ang senior citizen sang nag-ibwal ang kalayo.
Ginkumpirma naman sang Bureau of Fire Protection nga naulamid sa sunog ang kaingod nga balay sang biktima.
Sa subong, padayun pa nga ginahibalo ang gintunaan sang sunog.
