Ginatinguha sang Department of Health nga mabakunahan ang masobra 2 milyon ka mga estudyante sa pungsod batok sa Human Papillomavirus (HPV) paagi sa programa nga Bakuna Eskwela.
Suno kay DOH Epidemiology Bureau Director Althea de Guzman, 2.007 million ka mga estudyante halin grade 4 hasta grade 5 sang public kag private schools ang gina-target nga pagabakunahan.
Sa nasambit nga virus, mahimo ini nga magaresulta sang cervical cancer, measles, German measles (rubella) tetanus kag diphtheria.
“Alam natin ang mga nanay, tatay, ‘yung mga caregivers naman ang nagde-decide para sa ating learners and we encourage them, we empower them to have the right information and hopefully, with that, they consent so that their children payagan na po talaga na mabigyan po ng HPV vaccine po natin,” dugang pa ni De Guzman.
Ginpahayag ni special center head Nelinda Catherine Pangilinan sang Rizal Medical Center, madamo ang kaso sang cervical cancer nga na-obserbaran sa mga kabataan.
Suno sa World Health Organization (WHO), ang top 5 cancer cases sa Philippines, ginalakipan sang breast (28,124 cases), colorectal (7,899 cases), cervical uteri (7,829 cases), thyroid (6,450 cases), and corpus uteri (5,626 cases).
Text by: Bombo Paula Yvonne Alavarta
