Nagpaandam ang international actress kag singer nga si Selena Gomez sa malain nga epekto sang paggamit sang nicotine vape, sa iya Instagram story, sang Oktubre 18.
Ginpakigbahin sang aktres nga stressful kag mabudlay ang pag-untat sa nasambit nga bisyo.
“I vaped nicotine a lot, it’s just not worth it,” suno sa aktres.
Dugang pa sini, dapat nga ipagakonsiderar sang publiko ang ila desisyon sa paggamit sang nicotine bangud daku sini ang epekto sa ikaayong lawas kun sa diin kaangay sa natabo sa iya nga naapektohan sang vape ang iya nga tingog.
“It’s so stupid and it’s changed my voice”, siling ni Gomez.
Nagapati naman si Gomez nga pareho sa iya, posible man nga malampasan sang mga tawo ang ila problema sa sobra nga paggamit sang vape.
Sa karun, malipayon ang aktres sa iya nangin desisyon nga untaton ang paggamit sang vape kag nagalaum nga ma-maintain na sini ang paglikaw sa bisyo.
“I am really excited because I stopped and I just hope we can keep it up. It’s really hard,” suno kay Gomez.
